No har konfettien landa, og vi har teke inn over oss at sesongen 2024 er over! For ein fantastisk sesong, 10 fulle hus – totalt 1760 publikum innom dørene. I tillegg eit fantastisk kjekt skuleshow – som gjer at vi kom opp i ca 2000 publikum som fekk oppleve Feel It i år!! Ny rekord.

Det er eit stort apparat i sving for å kunne gjennomføre Feel It. Utan alle dei som står på hadde det ikkje vore mogleg. Lista er lang: Musikarar, teknisk personell, servitørar, kokkar, oppvaskar, pyntarar, vakter, ryddarar, vaskarar, riggarar, snikkarar. At ein kan stable på føtene eit så stort apparat i ein landsby på Søre Sunnmøre er (synst vi sjølve) imponerande! Vi er umåteleg takksame for alle som står på, og vit at vi er stolte over innsatsen som vert lagt ned!

Vil også rette ei stor takk til gjengen på Kami Skotholmen, som har leverte framifrå mat i år!!

Tradisjonen tru har vi også i år teke eit fellesbilete av gjengen som er fast på kvart einaste show, ein utruleg herlig gjeng – og det vert eit sakn å ikkje møtast på denne måten igjen før neste sesong. Men tida går fort, og plutseleg er vi i gong igjen!

Ekstra spesielt vart det også at vår trufaste bassist, administrator, grunnleggar John Magne Løvberg har bestemt seg for å takke for seg i Feel It. Vi kjem til å sakne det botnsolide bass-spelet, og det smittande gode humøret – alltid ein god kommentar på lur. Vi markerte dette med blomster og foto-gåve på siste show, men vil gjerne sende ei takk også her – Tusen takk for fantastisk flott innsats gjennom 12 år! Så møtast vi heilt sikkert igjen – men då kanskje som gjest på dinnershow?

Då gjenstår det berre å takke publikum for at de møtte opp og opplvede oss, og så snakkast vi igjen til neste sesong. Vi skal kvile nokre veker no, så er det berre å gå i gong igjen. Informasjon om ny sesong kjem her på heimesidene våre når det er klart. Takk for no!!